ZMC Governing Council ṭhukhawm

Zoram Medical College Governing Council chu nimin khan chief minister Zoramthanga hoin CMO conference hall-ah an ṭhu a, ZMC inrêlbâwl dan an sawiho a; Medical Council of India (MCI) aṭanga renewal permission hmu leh tura post fill-up ngai 32 leh ex-post facto approval pek ngaite chu phalna an pe.

ZMC Governing Council chuan, Mizorama damlo enkawlna ṭha nei turin doctor thiamna thûk tak leh anmahni pui tur hmanrua ṭha a pawimawh thu leh chumi atan chuan ZMC-ah zirna ṭha neih a pawimawh thu an sawi a; hemi atan hian sorkar laipuiah a ṭul anga hmalak zui ni se, an ti.

Ṭhutkhawmah hian deputy chief minister Tawnluia, Health minister Dr R Lalthangliana, HFW board vice chairman Dr ZR Thiamsanga, MLA Dr F Lalnunmawia, chief secretary Lalnunmawia Chuaungo, ZMC director Dr John Zohmingthanga leh sorkar hotu dangte an tel a ni.