Mizoramin National Water Award dawng

Ministry of Jal Shakti-in November 11-12, 2020 chhunga Vigyan Bhawan, New Delhi-a 2nd National Water Award 2019 a buatsaihah Mizoram chu special category-ah Best State atan thlan a ni. He hunah vice president M Venkaiah Naidu chu khuallian a ni a, Jal Shakti minister Gajendra Singh Shekhawat pawh a tel.

National Water Award 2019 atan hian Mizoram sorkara Irrigation & Water Resources department chuan Best State leh Best Water User Association (Dakla, Sihphir leh Phaizau, Champhai) category-ahte dilna an thehlut a; Ministry of Jal Shakti hnuaia technical team-te'n March 9-11, 2020 khan a hmunah an rawn enfiah a ni.

Jal Shakti Ministry hian kum 2018 aṭangin National Water Award a buatsaih a; a vawi hnihnaah hian category hrang hrang 16 siam a ni.