Ka sawi tawh chu tihhlawhtlin ngei ka tum ṭhin - MNF candidate

Tuirial bial by-election neih tura MNF candidate K Laldawngliana chuan October 19, Thawhlehni zan khan Kawnpui Chhimvenga MNF zawm tharte a lawm luhna inkhawmah thu a sawi a, "Ka sawi tawh chu tihhlawhtlin ngei ka tum ṭhin," a ti.

K Laldawngliana chuan, Pathianin a kaihhruai dan mak a tih thu sawiin, "Beisei loh tak takte'n min puih tur thu leh an chhungkuaa min vote tur thute min lo hrilh ka tawng nawlh nawlh ṭhin a, ka lawm hle," a ti a; a hma hruaisak ṭhintu a awm ngei a ni tih hi a hre chiang tawh tih a sawi.

MNF candidate chuan, "Tun ṭum by-election-a thlan tlin ka nih hlauh chuan bial mipuite'n min thlan tlin chhan ang ngeia hna thawk turin theihtawp ka chhuah dawn. Thil sawi mai mai chi ka ni lo a, ka sawi tawh chu tihhlawhtlin ngei ka tum ṭhin a ni," a ti.