National Deworming Day thawh 2-na

Champhai DC Maria CT Zuali chuan nimin khan Champhaia IPR conference hall-ah naupang kum 1-19 inkarte hnena rúlhût hlo pek beihpui thlakna leh rúlhûtin a nghawng ṭha lote inzirtirna hun, National Deworming Day thawh hnihna a hawng. Champhaiah hian naupang kum 1-19 inkar 51,100 hnenah rúlhût hlo pek tum a ni.

Maria CT Zuali chuan, ram hmasawn zelah hriselna kawnga hmalaknate ngaih pawimawh a nih thu sawiin, Health department bakah department hrang hrang leh tlawmngai pawlte thawhhona kaltlangin National Deworming Day thawh hnihna chu hlawhtling taka kalpui a nih theih a beisei thu a sawi.

Inkhawma tarlan danin, National Deworming Day thawh khatna (February 2021) khan Champhai district-a naupang kum 1-19 inkar 48,100 zinga 47,250 (98.23%) hnenah rúlhût hlo pek a ni.