Ṭanpuina sem dan tur tifel

Central YMA hnuaia Myanmar Refugee Relief Committee hruaitute nimina ṭhukhawm chuan, Myanmar ráltlânte chhawmdawlna atana sum an dawn khawmte sem dan tur an ruahman.

Myanmar raltlante ṭanpuina atan CYMA chuan YMA sub-head-quarters, group leh branch-te bakah, pawl leh mi dang aṭangin Rs. 26,50,198 an dawng a; ṭanpuina petu zawng zawngte chungah lawmthu an sawi tih Central YMA chuan a tarlang.

CYMA-in ráltlante ṭanpuina a pek chhuah dan tur chu - YMA Sub-Hqrs., Champhai leh Hnahthial hnenah Rs. 6,00,000 ve ve leh thawmhnaw, Chhimtuipui Group YMA, Central Young Lai Association leh Sihhmui & Sihphir Neihbawi hnenah Rs. 1,00,000 ṭheuh a ni.