Kawngpui dan chungchangah Central YMA-in Nov. 12 zan dar 9:30 thleng a nghak dawn

Central YMA chuan, Mizoram ei leh bàr lâk luhna kawngpui ber Assam sorkarin a dang zui zel chu an dem tak zet thu an tarlang a, "Darkar 48 chhung (Ningani zan dar 9:30 thleng) ngaihchan leh a, beisei anga hmalakna a awm loh chuan kal zel dan tur ruahmanna CYMA chuan a siam ang," an ti.

Ramri leh kawngpui dan chungchanga YMA hmalak zel dan turah hian CYMA chuan YMA sub-headquarters, group leh branch-te chu dawhthei taka CYMA thu leh hla ngaichâng turin an ngen a; YMA anga hmalak tawhna leh an dawhtheihnaah CYMA a lawm thu an sawi bawk.