National Education Day Aizawlah hman a ni

Institute of Advanced Studies in Education (IASE) leh a awmna Republic Veng khawtlang hruaitute chuan nimin khan IASE Conference Hall-ah National Education Day an hmang. National Education Day hi India-in zalenna a hmuh hnua Education minister hmasa ber Maulana Abul Kalam Azad pian champha November 11-ah hman ṭhin a ni.

Day hmannaah hian IASE leh Republic Veng khawtlang hruaitute'n zirna hmasawn theih dan tur leh an thawhho zel dan turte an sawiho a; IASE principal Prof. Vanlalhruaii chuan, Central YMA-in kumpuan atana 'Zirna uar' a hmang chu lawmawm a tih thu sawiin, "Zirna hi ram hmasawnna atana pawimawh a ni a, chumi tur chuan IASE-in kan theihna zâwnah nasa takin hma kan la a ni," a ti.