Scheme thar PM-RSSM zirho

Nimin khan Tourist Lodge, Chaltlangah sor­kar laipui scheme thar, Prime Minister Rashtriya Swasthya Suraksa Mi­ssion (PM-RSSM) zirho­na, Orientation & Work­shop buatsaih a ni a, Health secretary Lalrinliana Fanai-in a hmanpui.

Workshop hi Health principal director Dr F Lallianhlira'n a kaihruai a, Mizoram State Health Care Society-a chief executive officer Dr Biakthansangi'n PM-RSSM thil tum leh awmzia a sawifiah.

PM-RSSM hi sorkar laipui scheme duan thar a ni a, tuna Mizoram sorkarin a hman mek RSBY thlakna tura duan a ni. He scheme hnuai­ah hian chhungkaw pakhatin Rs. 5,00,000 thleng damdawi-ina an inenkawlna senso an bill thei tawh dawn a ni.

PM-RSSM hi sorkai laipui chuan August 15, 2018-ah tlangzarh a tum a, chumi hnuah hman theih nghal tura ruahmanna kalpui mek a ni.

Mizoramah chuan Health & Family Welfare department hnuaia Mizoram State Health Care Society-in enkawlin an kengkawh ang.