KHAWTHLIR

Thisen pe
Boston Higher Secondary School, Aizawl chuan an sikul din champha, Foundation Day vawi 10-na pualin nimin khan Synod Hospital tan thisen unit 51 an pe a, a petute mipa 37 leh hmeichhia 14 a ni.

Huaisen lawmman
Ministry of Home Affairs chuan huaisen lawmman, Jeevan Raksha Padak dawng tur rawtna siam duh tan hun a hawng. Rawt tur neite chuan Mizoram sorkara Home department-a Under Secretary hnenah August 31, 2018 ral hmain thehluh theih a ni. Award Committee hian October 1, 2016 aṭanga 2018 hun chhunga an thil tihte a en dawn avangin October 1, 2016 hma lama thil thleng a nih chuan rawtna pawm a ni lo ang.

Tanpuina hlan
Champhai Officers’ Club leh YMA Sub-Hqrs. Champhai chuan, April 16, 2018-a Myanmar ram chhung, India ramri depa awm Khawmawi khuaa kângmei chhuak vanga chhiat tâwkte ṭanpuina tura member-te aṭanga vehbûr tlingkhawm Rs. 5,15,510 chu Rih Lentlang Youth Association hruaitute hnenah an hlan.

Zu sakna tichhia
Excise & Narcotics enforcement staff-te chuan, nimin khan Phunchawng leh Rangvamual ram velah zu sakna hmun a awm leh awm loh an enfiah a, zu sakna eng emaw zat an tichhia. Rakzu litre 120, zu bilh lai ṭín 410 leh zu sakna bel 36 an man bawk.

Zirlai thlah
Pachhunga University College (PUC) chuan nimin khan an college multipurpose hall-ah zirlai chhuak tur mi 655-te thlana in­khawm an buatsaih a, zan­riah an kilho nghal. Zirlai thlah inkhawm hi Sociology HoD Lallungmuana'n a kaihruai a, vice principal Dr Lalbiaksangi'n thlahna thuchah a sawi.

Court-ah CM
Chief minister Lal Than­hawla laka inthlana affi­­davit dik lo a thehlut nia puhna thubuai chu vawiin hian Serchhip chief judicial magistrate Lal­ngaihmawia Zote Court-ah ngaihtuah a ni leh dawn a, Court-in a koh angin Chief Minister pawh a inlan dawn nia thudawn a ni.