Khung hran mek mi 8,496 an awm
June 10, Nilaini thleng khan Mizoramah quarantine facility leh home quarantine-a khung hran mi 13,160 an awm tawh a, chu'ng zinga eng emaw zat chuan inkhung hran hun an hman zawh tawh laiin, khung hran mek mi 8,496 an awm.
Sorkar thuchhuah tarlan danin, Mizoram pumah home quarantine (HQ) leh isolation facility (IF)-a awm thei zat chhiar tel loin, sorkar quarantine facility (QF), community quarantine facility (CQF) leh hotel/paid quarantine-ah mi 17,018 an awm thei a; HQ leh IF-ah mi eng emaw zat an awm theia ngaih a ni bawk.
June 10 bikah IF hrang hrangah mi 80 dah luh thar an ni a, chu'ngte nen chuan khung hran mek mi 8,496 an awm. Khung hran tawh zawng zawng mi 13,160 zinga mi 4,538 chu inkhung hun hmang zoin an chhuak tawh a, June 10 bikah mi 58 an chhuak. IF-a sawn chhuah mi 126 an awm tawh a, chu'ng zinga mi 48 chu sawn thar an ni.