Information Commissioner thar Zorammawia lak luh a ni

Mizoram Information Co­mmission-a Information Commi­ssioner thar atana ruat Zoram­mawia, IPS (Rtd.) chu nimin khan Raj Bhavan-ah Governor Lt.Gen. Nirbhay Sharma-a'n rinawmna thu tiamtirin a la lut.

Information Commissioner thar lak luhna inkhawmah hian minister pathum Lalsawta, H Rohluna leh John Rotluangliana, deputy chief whip RL Pianmawia, chief information commissioner Lal­duhthlana Ralte, Planning Board vice chairman H Liansailova leh sorkar officer eng emaw zat an tel.

Zorammawia hian kum 1982-ah Mizoram Police Service-a zawm a, a hnuah IPS-ah kaiin, IPS-ah hian 1995 Batch a ni. Mizoram IGP a nih laiin February 28, 2018-ah sorkar hna aṭangin superanuation pension-in a chhuak a, May 3, 2018 khan Information Commissioner atan ruat a ni.

Zorammawia hian kum 2005 khan police officer hna thawk ṭha chawimawina President’s Police Medal for Distinguished Service a dawng a, kum 1998-ah Police Medal for Meritorious Service a dawng bawk.