Quarry chima thite râlna hlân

Home minister R Lalzirliana chuan nimin khan a pisaah May 12, 2018 zinga Zemabawk quarry chimin a delh vanga thi mi pali chhungte hnenah ràlna leh chhawmdawlna (ex-gratia) atan chhiat tâwkte hnenah Rs. 4,00,000 ṭheuh a hlân.

Khuarel chhiatna vanga thite sorkar aṭanga râlna hi mi pakhatah Rs. 4,00,000 zel pek ṭhin a ni a; ex-gratia pekte chu Zemabawk Bethel Veng mi pathum - Linda Zodinpuii (31) w/o Runrema, Eudi Lalremzovi (10) d/o Run­rema leh Hming­thieng­hlim (14) d/o Lalrinsan te leh, CK Munga (37) h/o Lalhmunliani, Zemabawk Berawlui-te an ni.

Sorkar aṭanga ràlna inhlanna hunah hian Ze­mabawk khawtlang hruai­tute leh sorkar official ṭhenkhatte an tel a ni.