Khawzawlah temporary checkgate hawng

Myanmar aṭanga dan loa bungraw lak luh venna atana Khawzawl Tuisenphai bula temporary checkgate siam chu nimin khan Khawzawl DC Zothanmawia'n a hawng. 

Zothanmawia chuan, tem­porary checkgate-ah lirthei chhuk leh chhote chhinchhiah zel a ni dawn tih sawiin, "Checkgate siam a ni ta hi ṭanrualna rah a ni. Rabungah pawh checkgate siam a ni tawh," a ti a; gate-a duty ve turin YMA-te an beisei thu leh VC-te pawh an hman chánga duty turin a sáwm a ni.

Khawzawl Addl. SP Lalringliana Pachuau tarlan danin, kumin January-October chhung khan Khawzawl police-te'n dan loa bungraw phurtu lirthei 71 an man tawh a, kuhva ip 1,272, ram dang meizial báwmpui 30 leh poppy seed ip 38 an man tawh bawk a; chungte chu Rs. 95,38,204 man a ni. Dan loa vawk lak luh eng emaw zat an man tawh bawk.