Supply Minister hoin gas sawiho

Food, Civil Supplies & Consumer Affairs (FCSCA) minister John Rotluang­liana chuan nimin khan a pisaah FCSCA hotu te, Aizawla Indian Oil Corporation (IOC) hotute leh LPG distributor-te a ko khawm a, eirawngbawlna gas (LPG) sem chungchang a sawipui.

Meeting hi FCSCA Minister-in May 21-23, 2018 chhunga Borkhola Bottling Plant, Assam-a IOC hotute a kawmna bawhzuina a ni a; Minister chuan, tun aia LPG tam zawk Mizoramah lâk luh a nih theihna tura LPG distributor-te'n harsatna an neihte sutkian dan tur a sawipui a ni.

Sorkar thuchhuah chuan, Supply Minister-in IOC hotute Borkhola-a meeting a neihpui rah a taka lang nghal a, May 22-25 chhung khan Borkhola aṭangin gas truck trip 50 leh Mualkhang aṭangin truck trip 17 a thleng tawh niin a tarlang.