Motor insurance lem hmu chhuak

Lunglei SP Stephen Lal­rinawma chuan thu­chhuah siamin, November 10, Thawhlehni khan Lunglei traffic police-te'n lirthei document an endikna aṭangin insu­rance lem eng emaw zat an hmuh chhuah thu leh, chumi chungchangah chuan thubuai ziah luh a nih thu a tarlang.

Lunglei SP tarlan danin, insurance lem nia rinhlelh hmuh chhuah chung­changah insurance hotute'n a lem a ni ngei tih an finfiah a, chumi bawhzui chuan The New India Insurance Company Ltd, Aizawl Branch Manager chuan Lunglei Police Station-ah FIR thehlutin, an company hminga insurance lem pe chhuak ṭhintu zawng chhuak tur leh an chungah dan anga hma la turin a ngen. Lunglei PS-ah thubuai ziah luh a ni a, insurance lem eng emaw zat hmuh chhuah a ni tawh.

Police hotute chuan, Lunglei district chhunga The New India Insurance Company Ltd hnuaia insurance nei zawng zawngte chu Lunglei PS OC hnenah inhriattir tur leh, insurance certificate leh lehkha pawimawh dangte keng turin an hriattir a ni.