Aizawl E-1 ZPM-in MLA chak neih an duh

Aizawl East-1 chhunga South leh Cen­tral Block ten thuchhuah siamin, kum 2018 MLA inthlan lo awm tur­ah chuan bial mipuite ngaihsak peih tur MLA chak neih an duh tawh tih an puang.

Inrinni khan East-I chhungah ZPM unit (Stee­ring Committee pathum, Muanna Veng, Zemabawk Melli Mual leh Zemabawk Vengtharahte an din a, Zemabawk MNF Unit secretary Lalbiakfela hoin MNF 28, Congress 34 leh neutral 15 ten ZPM an zawm tih an puang. Lalbiakfela hi Zemabawk East-a awm a ni a, amah leh a thianten ZPM an zawm chhan chu mi thar, tha tharin ram an hruai theihna tura kawng awmchhun chu ZPM tihchak chauh hi nia an hriat vang a ni tih a sawi.

ZPM local body pa­thum hawnna hmanpuitu ZPM secretary general K.Sapdanga chuan mi thar lawmluh paha thu sawiin, khawpui leh thingtlang hmun tinah mipuiten ram hruaitu thar, kalphung thara hruai tur hmuh an nghakhlel tih a sawi a, inthlan hma thla ruk la awm chhung hian, inthlan huna neu­tral mipuite beiseina pe turin, theihtawp chhuah­in beihpui a thlak dawn tih sawiin, "ZPM chuan thuneihna chan ngawr ngawr a tum lo a, thuneihna hmanga sakhua leh ram leh hnam humhim hi a tum ber a ni," a ti.