Zophai kawng siamṭhat dan tur enfiah

Mamit khawtlang hruaitute leh Bairabi khaw­­tlang hruaitute chuan Assam leh Mizoram inrina, Bairabi Zophaia kawng chhe lai siamṭhat dan tur an enfiah.

Mamit leh a chhehvel khuate'n eirawngbawlna gas hnianghnâr zawka an hmuh theihna turin bialtu MLA John Rotluangliana, Food, Civil Supplies & Consumer Affairs minis­ter-in hma a la a, Borkho­la Bottling Plant aṭanga direct-a gas lak theih dan tur ngaihtuah a ni a; chu hmalakna kal zelah chuan Zophai kawng siamṭhat dan tur an enfiah a ni.

Borkhola Bottling Plant leh Mamit inkar kawnga Bairabi Zophaia kawng chhe lai siamṭhat nan hian minister John-a chuan MLA fund aṭangin Bairabi V/C-te kutah Rs. 1,50,000 a pe a; kawng chhe lai siam turin sum an neihin a daih dawn loh avangin, Inrinnia kawng entute chuan sum hmuh belh dan zawn an rêl.

Zophai chu ramri hnaiha awm a nih avangin Mamit DC, Kolasib DC leh Hailakandi DC-te inbiakpawh dan tur ngaituah ni se, an ti bawk.