Governor lakah MZP an lawm lo

MZP chuan thuchhuah siamin, ramri buai chungchangah Mizoram Governor a ngawih reng avangin an lâwm loh thu leh an dem thu an tarlang.

MZP chuan, Lailapur vai hoin ni 13 chhung Mizoram luhka kawngpui an dang tawh chunga Governor a ngáwi reng chu an dem thu sawiin, "Governor in ṭawngkam khat pawha Mizote thlavâng hauh tur leh harsatna sukiang tura ṭawngkam leh hmalakna a neih thâwm hriat tur awm lo hi hriatthiam harsa kan ti a, kan dem tak zet. Lailapur-a kawng an dan khu Assam kawngpui a ni lo a, central enkawl leh central kawng national highway dik tak a ni," an ti.

Sorkar laipuiin Mizote chu a khua leh tuiah a la ngai a nih chuan NH dan chu a rang thei ang bera tlangtir rawh se, tih chu an ngaihdan a nih thu sawiin MZP chuan, Governor chu a rang thei ang berin hma la turin an phût a ni.