KHAWTHLIR

CBSE result
Central Board of Secondary Education (CBSE) chuan, May 26, 2018 khan kumina pawl 12 exam result a tichhuak a, pass percentage chu 83.01 niin, nikum aiin a ṭha zawk. Mizorama CBSE zawm Mizoram Institute of Comprehensive Education (MICE)-ah chuan Arts-ah candidate 64 awmin, 79.68% an pass a; Science-ah candidate 27 awmin, 77% an pass a ni.

SSU Rising Day
Students’ Self Support Union (SSU) general headquarters chuan May 26, Inrinni khan Kevin’s Farm, Luangmualah an Rising Day vawi 33-na an lawm a, SSU branch hrang hranga hruaitu HSSLC pass-te hnenah lawmpuina an hlan. SSU hi May 27, 1985-ah Hrangbana College-ah din a ni a, zirlaite'n kut hnathawh chawisan nacháng an hriat nan leh intodelhna chunga lehkha an zir theih nana din a ni.

Têkin in dêng
Kolasib-ah May 25, 2018 tlai khan ṭêkin H Laltlanmawii te in, Assam type a dêng a, in hi kâng zuiin, bungrua chuh hman lohin a kâng ral a, thi leh hliam an awm lo. Police-te chuan bungraw kâng chhia hlut zawng chu Rs. 5,00,000 vel niin an sawi.

Paper present
Laldinpuii s/o Lalrin-awma, Thakthing Veng chuan May 26, Inrinni khan Modern English Society of Korea-in Mokwon University, South Korea-a 'Third International Conference on English Literature, Language Education and Culture' an buatsaihah paper a present a, a thupui chu 'Learning English through folktales' tih a ni.

PUC-ah BBA
Pachhunga University College-ah academic session 2018-19 aṭangin course thar, Bachelor of Business Administration (BBA) hawn a ni dawn. PUC-a BBA hi pawl 12 commerce, science leh arts-a second division-a pass chin tan May 28 aṭanga June 11 thleng dil theih a ni dawn a, vawiin aṭangin PUC-ah form lak chhuah theih a ni ang.