Modi hnuaiah ramin hma a sawn - Mizoram BJP President
BJP, Mizoram Pradesh president Prof. JV Hluna chuan, prime minister Narendra Modi kaihhruai sorkar kum li chhungin India ramin nasa takin hma a sawn niin a sawi.
Mizoram BJP President hian sorkar laipuia PM Narendra Modi kaihhruai sorkar kum li tlin pualin Inrinni khan an party pisaah thuthar thehdarhtu ṭhenkhatte a kawm a; JV Hluna chuan, NDA sorkar kum li tlin chu Inrinni khan India ram pumah lawm a ni tih sawiin, NDA sorkar hnuaia hmasawnna hrang hrangte a sawi lang a ni.
Prof. JV Hluna chuan, NDA sorkar kum li chhungin inkalpawhna kawng km. 40,500 siam a nih tawh thu te, lo neitute tan kum 2018-19 budget-ah cheng vbc. 51,026 dah a nih thu te, mi retheite tana a thlawna gas connection pekna tur Pradhan Mantri Ujjwala Yojana hnuaiah gas connection nuai 1900 pek a nih tawh thu te, PM Housing Scheme hnuaiah chhungkaw nuai 1,05,000 tan chenna in saksak a nih tawh thu te, BJP kaihhruai sorkar chu Kristiante ngaihsaktu a nih thute a sawi.