Deputy Speaker-in ramri a tlawh

Assembly deputy speaker R Lalrinawma chuan, zan khat riakin Tlabung leh ramrite a tlawh a, May 25, 2018 khan Tlabung Tourist Lodge-ah Tlabunga pawl hrang hrang hruaitute nen an inkâwm. Tlabung khawtlang hruaitute chuan, ramria khuate tihhmasawn chu ram leh hnam himna tur nia an hriat thu sawiin, ramri tihhmasawnna dan tur ngaihtuahpui turin an ngen.

Inkawmnaah hian Tlabung YMA-te leh Tlabung Progressive Society hruaitute chuan Deputy Speaker hnenah hian ziakin an mamawhte an lo thlen a, ṭawngkáin an sawifiah nghal. Tlabunga RD Block headquarters hawn chungchang, department hrang hrang tihchangtlun leh damdawi-ina thawktu indaih lohna, Kawrpuichhuaha Inte-grated Check Post tih-hlawhtlin chungchang leh Tlabung Higher Secondary School din-hmun ṭha zawka hlankai leh Tlabung Sub-Treasury a nih dan tura kalpui chungchangte a tel.

R Lalrinawma chuan, Tlabung khawtlang hruaitute'n an harsatna leh mamawh an lo thlente chu bawhzuisak a tum thu a hrilh a ni. Deputy Speaker hian Tlabung leh a chhehvela ramri dep hmun ṭhenkhatte a tlawh nghal a; Inrinni khan Aizawl a pan leh a ni.