FIR bawhzui chak turin ngen

Mizoram Pradesh Youth Congress Committee (MPYCC) chuan nimin khan thuchhuah siamin, sorkar document dik lo thehdarh chungchanga minister of state Lalruatkima laka FIR an thehluh chu chak taka bawhzui turin thuneitute an ngen a; a phû tâwka hremna pe turin an phût bawk.

MPYCC chuan, Indian Constitution khawih pha thu dik lo thehdarhtu chu hrem ngei an duh thu tarlangin, "Social media (Facebook, WhatsApp, etc.) lama sorkar sawiselna lam hawi thil post-tu tam tak, sorkarin a chhui zui zung zung a, ṭhenkhat a rîkrâp hialte ang bawkin, Constitution of India khawih pha meuh thu dik lo thehdarhtu hi hremna a phû tâwk pek kan phût a ni," an ti.