Geotextile hman ṭangkai dan tur sawiho

India hmarchhak state hrang hranga lei min, kawngpui tlo lo leh chhe nasa lutuk vanga harsatna tawhte tihziaawm nana tun lai thiamna (geotextile technology) hman ṭangkai dan tur PWD conference hall-ah sawiho a ni.

Meeting-a tarlan dan­in, sorkar laipui chuan geotextile leh a kaih­hnawih technology hmanga kawng leh tui dah­khawlna siam te, leimin tamna hmun hmarchhak state hmun hrang hranga leimin tihziaawm nana hman ṭangkai a tum a; Mizoramah pawh sorkar laipui chuan cheng vbc. 66 sênna tur geotechnical textile scheme pathum - Champhai-Zokhawthar, Chhûmkhûm-Chawngte leh Serchhip-Buarpui kawngte a pe a ni.

Geotextile technology sawihonaah hian state páwn aṭanga mithiam lo kalte'n thupui hrang hrang hmangin thu an sawi a ni.