Tlabung kawng

Tlabung leh Lunglei inkar kawngpui, National Highway No. 302 khuar zual lai chu cheng nuai 180 chuang sengin a chhe zual lai thawm ṭhat ni mah se tun hnaia ruahtui a tlak leh hnuah kawng chhe laiah lirthei tâng hmuh tur a la awm reng. Buhfai phurte'n hun rei tak an zawh ngam loh hnuah a chhe zual lai siam niin tun hnai khan Tlabungah hian buhfai phur an tlan lut leh tawh a, hetihlai hian lirthei tê zawkte tana zawh ngam loh khawpin a la chhe reng thung a ni. October 22-a Lunglei DC hoa kawngpui chungchang sawihonaa tel Tlabung Progressive Society hruaitute chuan kawngpui laih zauh hna thawh ṭan aiin tuna kawngpui chhe zual lai thawm ṭhat hna chu chak zawka kalpui an duh thu an sawi.