Mizoramah Covid vaccine dose 11,96,084 pe tawh

January 16, 2021-a India rama Covid-19 vaccine pek ṭan a nih aṭanga October 23, Inrinni thleng khan Mizoramah Covid vaccine dose 11,96,084 pek a ni tawh a; nimin zinga sorkar laipuiin Covid vaccine pek zat a tarlan danin, India ram pumah vaccine dose 1,02,10,43,258 pek a ni tawh.

Integrated Disease Surveillance Programme (IDSP) tarlan danin, October 23, Inrinni khan Mizoramah Covid vaccine dose 799 pek a ni a, mi 385 hnenah dose khatna leh mi 414 hnenah dose hnihna pek a ni.

Covid vaccine pek tawh dose 11,96,084 zinga 6,93,669 chu dose khatna a ni a, 5,02,385 chu dose hnihna a ni. Kum 2011 chhiarpuia Mizorama mihring zat 10,91,014 aṭanga chhûtin vaccine la kim tawh mi 5,02,385 chu 46.04% a tling.

May 17, 2021-a pek ṭan kum 18-44 inkarte hnenah dose khatna 4,14,388 leh dose hnihna 2,58,639 pek a ni tawh a, a vaiin dose 6,73,027 niin, Mizorama vaccine pek tawh zat 11,96,084 aṭangin 56.26% a tling.