Pawl pasarihin thisen an pe
October 23, Inrinni khan pawl hrang hrangin thisen an pe. KṬP, Ramthar Veng Bialin Synod Hospital Blood Bank tan unit 60 pein, petute mipa 48 leh hmeichhia 12 an ni a; KṬP, Dawrpui Vengthar West Branch-in an kohhran hall-ah pein, mipa 21 leh hmeichhia pakhatin Civil Hospital, Aizawl tan unit 22 an pe a, KṬP, Vaivakawn Vengthlang Branch-in Aizawl Civil Hospital Blood Bank-ah unit 11 an pe.
Evangelical Baptist Church ṭhalai, Baptist Youth Fellowship-in an din champha pualin Civil Hospital, Aizawl Blood Bank-ah unit 23 pein, petute mipa 21 leh hmeichhia 2 an ni a; Blood Bank-ah hian individual voluntary donor mi 18 an awm bawk. Siaha District Mini Truck Drivers Association-in Meisavaih Hall-ah unit 20 an pe a, LIKBK Ṭhalai Pawl, Lawngtlai AOC Bialin District Hospital tan unit 17 an pe a, Kolasib Auto Rickshaw Drivers' Association-in District Hospital-ah unit ruk an pe bawk a ni.