Hmun kilkhâwr zawkah hripui veite enkawlna hmanraw ṭha dah ṭul ti

Health & Family Welfare minister Dr R Lal­thangliana hoin October 22, Zirtawpni khan Secretariat conference hall-ah State Level Expert Committee on Covid-19 Management an ṭhukhawm.

Ṭhutkhawmah hian Covid-19 donaa hmalakna kal mek leh hmalak thar ṭulnate an sawiho a; thing­tlangah Covid-19 a darh nasat tâk avangin district tina dedicated covid health centre (DCHC) bakah, hmun kilkhâwr zawkahte hripui kaite enkawl­na hmanrua leh bungrua ṭha zawk, oxygen, damdawi, adt. awlsam taka an hmuh theih nan chhawp hnaih a ṭul an tih thu an sawi.