John-a'n Union Minister a kâwm

New Delhi-a chám mek Tourism minister John Rotluangliana chuan, nimin khan Union Tourism minister KJ Alphons chu a pisaah a kâwm a; Mizorama Swadesh Darshan Project pathumna tur a sawipui.

Union Minister chuan, Mizoram Tourism department-in a proposal thawn, 'North East Circuit at Mizoram including Serlui-B - Kolasib - Bak­tawng - Sialsuk - Champhai - Lunglei' chu ṭha a tih thu a sawi a; he project concept presentation chu June 8, 2018-ah amah entir turin John Rotluangliana a hrilh.

Presentation hi Mi­nistry-in ṭha a tih chuan sum an pe dawn a, project sanction a nih chuan tourism lamah hmasawnna tam tak Mizoramin a neih theih beisei a ni.