Mamitah ASHA training buatsaih

Nimin khan Mamit Chief Medical Officer pisaa Kumtluang Hall-ah National Health Mission (NHM)-in ASHA Refresher Training an buatsaih a, NHM mission director Dr Lalrozama'n a hmanpui. Training hian June 7, 2018 thleng a awh ang.

Dr Lalrozama chuan, ASHA din a nih hnuah nu nau chunga thi leh nausen tam tak thi a tlem phah thu sawiin, "Thingtlang kilkhâwr zawka mite pawhin damdawi-in leh PHC khera nau neih a him tih an hriat chhan ber pawh ASHA-te an ni a, ASHA-te thurâwn vanga nausen damlo dam chhuak leh pawh tam tak an awm mek a ni," ti.

ASHA-te'n an thawh that leh thawh tam mila lawmman an lak ṭhinah harsatna awm loa an dawn tur ang an dawn theih nan hmalak mek a nih thu sawiin NHM Mission Director chuan, ASHA-te chu inzir belh zel tur leh nu nau pai leh damlote thurâwn pek kawngah an nihna hre chiang a, ramri chin hre turin a chah.