Bank-te hnathawh thlir let

30th May, 2018

Champhai District Consultative Committee/District Lever Review Committee chu, nimin khan DC mawhphurhna la mektu Zosangzuali hoin DC conference hall-ah an ṭhukhawm a, an district chhunga bank-te hnathawh an thlir let.

Meeting-ah hian January-March 2018 chhunga bank-te hnathawh thlir let a ni a, Champhai district-a bank zawng zawng credit-deposit (CD) ratio chu 58.04% a ni a, target 60% an pha lo.Bank zawng zawngin 40% priority sector advance-a an target chu 58.44%-in an khûm thung.

Champhai district chhungah hian bank hrang hrang 22 a awm a, ATM booth pakua a awm a ni.