Thla thum chhungin TB vei mi 623

Revised National TB Control Programme (RNTCP) chuan nimin khan Health Service directorate conference hall-ah 1st Quarter Review Meeting an nei. He hunah hian kumin January-March chhungin Mizoramah Tuberculosis (TB) vei hmuh chhuah mi 623 an awm thu leh TB vangin mi pali an thih thu tarlan a ni.

RNTCP Review Meeting hi state TB officer Dr Vanlalfela'n a kaihruai a, World health Orga­nisation (WHO) consultant Dr Gautom Borgohain-a'n a hmanpui. Mizorama TB hmuh chhuah leh hmalakna hrang hrangah district tinte report ngaihthlak a ni.

January-March 2018 TB dinhmun
TB vei hmuh chhuah zat - 623
MDR-TB hmuh chhuah zat - 21
TB vei zinga HIV test zat - 87%
TB leh HIV vei kawp ṭhmuh chhuah zat - 80
Naupang kum 14 hnuai TB vei - 54
Private aṭanga TB hmuh chhuah - 11
TB natna vanga thi zat - 4