NSUI-in topper-te an chawimawi

Congress party zirlai pawl, National Students Union of India (NSUI) chuan tun hnaia MBSE hnuaia HSLC leh HSSLC result chhuaka topper-te chawimawina hun Lal Thanhawla Auditorium-ah an buatsaih a, School Education minister H Rohluna'n a hmanpui.

H Rohluna chuan, sorkarin zirna a ngaih pawimawh thu sawiin, "Zirnain hma a sawn theih nan theihtawpin ṭan kan la a, zirlaite'n tun aia ṭha leh zualin result an nei thei. Hmeichhiate'n zirna kawng hrang hrangah nasa taka hma an sawn laiin, mipa lam erawh an tlahniam niin a lang a, nasa lehzuala ṭan an lak a ngai. Mipate an ṭan loh chuan Mizo khawtlang nunah a ṭha lo zawngin nghawng a neih a hlauhawm," a ti.

NSUI president Lalhma­chhuana chuan, "Kan result ṭha hian Mizoram páwn lama zirlaite el pha se, India ram pum huap inelna leh exam hrang hranga kan dinhmun la hniam lutuk siamṭha turin zirlai, sikul thuneitute leh nu leh pate ṭan tlan a ngai," a ti a; zirlaite chu intuai hriam zel turin a chah.

HSLC leh HSSLC-a topper-te hi NSUI chuan laptop com­puter an pe vek a ni.