MLA 5-in sum thawh

Lunglei leh Hnahthial district aṭanga thlan tlin MLA pangate chuan PATH International NGO aṭanga Christian Hospital, Serkawnin oxygen plant (800 LPM) a dawn bunna atan Rs. 4,00,000 ṭheuh an thawh a, sum an thawh khawm cheng nuai 20 chu nimin khan BCM general secretary Rev. F Ramdinnawia hnenah an hlan.

Sum thawhtu MLA-te chu South Tuipui bialtu Dr R Lalthangliana, Lunglei West bialtu C Lalrinsanga, Lunglei East bialtu Lawmawma Tochhawng, Lunglei North bialtu Dr Vanlalṭanpuia leh Lunglei South bialtu Dr K Pachhunga te an ni.