Covid-19 vangin mi 413 thi tawh

Nimin khan tlai dar 6:30 thlengin Covid-19 vangin mi pahnih an thi a; nimin tlai dar 5 thlenga Mizorama Covid-19 vanga thi tawh zat chu mi 413 an ni a, October thla kal mek bikah mi 103 thi tawhin, thi an tam ber thla a ni tawh.

Nimin zing dar 1:30 khan Lalnunmawii (53), Chawnpui, Aizawl chu Covid-19 vangin State Referral Hospital-ah a thi. Covid-19 vei a ni tih October 20 khan hmuh chhuah niin, October 23 aṭangin SRH-ZMC-ah enkawl a ni a, natna dang nei tel a ni.

BB Gurung (82), Durtlang Leitan pawh nimin tlai dar 5:50 khan SRH-ah a thi a; hripui vei a ni tih October 11 khan hmuh niin, October 13 khan SRH-ah dah luh a ni.