Ruihhlo do chungchang sawiho

Lawngtlai district bawrhsap Dr Andrew H Vanlaldika chuan October 26, Thawhlehni khan a pisaah Lawngtlaia Police leh Excise & Narcotics hotute a kâwm a, ruihhlo donaa hmalak dan tur a sawipui.

Andrew H Vanlaldika chuan, Police leh Excise-te'n district rálmuanna leh thianghlimna tura an hnathawh chu lawmawm a tih thu a sawi a, Lawngtlai khawpuia ruihhlo donaa an hmalaknaah theihtawp chhuah zel turin a fuih.

Ṭhutkhawmah hian ruih theih thil - damdawi leh zu tirêm tura hmalak dan tur an sawiho a, Police leh Excise hotute chuan an hmalak dan an tarlan bakah, theihtawp chhuaha hma an lak chhunzawm zel tur thu an sawi a ni.