Lei laih khuahkhirhna dan Aizawlah hmang ṭan dawn
Aizawl Municipal Corporation (AMC) aṭanga phalna la hmasa loa lei laih khapna tur dan, AMC Site Development & Slope Modification Regulation, 2017 chu naktuk October 29 aṭangin Aizawlah hman ṭan a ni dawn.
Site Development & Slope Modification Regulation hman a nih hunah chuan, AMC huam chhunga lei laih leh leivûng hmanga khuar hnawh khah tur neite chuan AMC-ah phalna an neih hmasak a ngai tawh dawn a; in hmun leh thil danga lei lâi turte reng rengin AMC hnuaia technical license holder-te ruaiin phalna an dil a ngai dawn a ni. Phalna nei loa hma late chu dan hmangin hrem an ni ang.