Phal loh thil phur tlân khap

Serchhip district magistrate Kumar Abhishek chuan, Serchhip district chhungah danin a phal loh bungrua leh thil dang phur lirthei tlân khap a nih thu a puang a; thupek zâwm lo chu IPC Section 188 leh dan loa thil phurh hremna dan dang hmangin hrem theih an nih thu a tarlang.

Serchhip Bawrhsap chuan, khaw tina VC-te chu thupek bawhzui kawngah theihtawp chhuah turin a ngen a; thupek palzûttute chunga dan anga hmalak a nih ngei theih nan department kaihhnawih leh VC-te'n dan leh thupek kengkawhtute an hriattir zel tur a ni, a ti.