Indiaskills competition-a telte hmuak

Labour, Employment, Skill Development & Entrepreneurship (LESDE) department chuan October 20-22, 2021 chhunga Indiaskills Regional Competition East Zone leh North East Zone competition-a telte an chet ṭhat avanga hmuahna leh lawmna hun nimin khan Aizawla ITI Auditorium-ah an buatsaih.

Inkhawm hi LESDE director K Lalhmingliana'n a kaihruai a; LESDE secretary Lalramsanga Sailo chuan, intihsiaka hlawhtlingte lawmpuiin, an hmabaka intihsiakna awm leh turah duhsakna a hlan a, World Skill Competition, Shanghai-a neih turah an tel phak ngei theih nan theihtawp chhuah turin a fuih.

Patna, Bihar-a Indiaskills East Zone leh North East Zone competition neihah hian LESDE tirha kalte chu trade 11-ah mi 15 an ni a; gold medal pathum leh silver medal paruk an lak bakah, Direct Nationals-a tlang pathum an awm a ni.