Lawngtlaiah ei leh in tura himna sawiho a ni

Lawngtlai District Steering Committee on Food Safety chu nimin khan an chairman Dr Andrew H Vanlaldika, bawrhsap kaihhruaiin an ṭhukhawm a; ei leh in siam, lak luh leh zawrhte thianghlimna leh himna thu-ah an dinhmun hriat chian a nih theih nan a theih ang angin hmunpui lamah enfiah tura thawn ṭhin ni se, an ti.

Ṭhutkhawmah hian Food Safety and Standards Act (FSSA), 2006 chungchang te, hmun dang aṭanga lak luh leh tualchhunga siam chhuahte danin a phût anga him chin leh danin a phal chin chauh zawrh a nih theih nana hmalak dan tur te, ei leh in siamtu leh zuartute'n dan anga an kalpui theih nana District Council-a a kaihhnawih thuneitute leh state-a a kaihhnawih department-te nena hmalakho dan turte an sawiho a ni.

November 2021 chhungin Lawngtlai khawpuia ei leh in siamtu leh zuartute leh tlawmngai pawlte tan awareness campaign buatsaih an rél a; veng chhung tlangau leh thuziak târ hmangtea zirtirna kalpui an rél bawk.