Facebook vangin MNF Candidate-in FIR thehlut

Tuirial bial by-election neih tura MNF candidate K Laldawngliana chuan, a chungchang dik lo taka Facebook group-a dah (post) a nih chungchangah nimin khan Cyber Police Station-ah first information report (FIR) a thehlut.

MNF Ṭhalai tarlan danin, Facebook group pakhatah 'Ruattea Ralte Ruattea Ralte' tih hming puin K Laldawngliana chanchin dik lo takin a post a; chuvang chuan K Laldawngliana chuan FIR a thehlut a, a aiawhin MNF Legal Board leh MNYF hruaitute'n FIR chu an thehlut a ni.

MNYF chuan, "Facebook group-a thu post hi October 30, 2021-a Tuirial bial by-election neih tur denchhena MNF candidate Pu Laldawngliana tihmualpho tumna ni ngeiin kan hria a, hetiang thil titu hi kan dem tak zet a ni," an ti.