Zokhawthara Ṭiau lei chungchang sawiho

India leh Myanmar inkalpawhna Zokhawthara Ṭiau leiah lirthei kal phal a nih loh chungchang nimin khan Champhai DC Vanlalngaihsaka hoin Mizoram Police leh Assam Rifles hotute'n Champhaiah an sawiho.

Meeting-ah hian bo­ruak awm dante thlirho a ni a, hmalak zel dan turte ngaihtuah a ni. District administration lam chuan May 30, Nilaini khan Ṭiau leia lirthei tlan phal a nih loh chungchang chu Chief Secretary, Home department leh GAD hnenah lehkhain an thlen a, Mizoram sorkar hmalakna ngaihchân mek a ni.

Champhai district thuneitu leh dan kengkawhtu chuan, mipuite chu thu belhchian dâwl lo leh dan pawisak lohna chi reng reng ti lui lo tur leh, thuneitute zài ngai hram hram turin an ngen.

Indo-Myanmar border area-a state hrang hrangte March 9, 2018-a Special Secretary, Ministry of Home Affairs (Border Management) hoa ṭhukhawm chuan, Ṭiau leia lirthei kal phal loh turin thutlukna an siam a ni.