Scientist-in YRC hmun enfiah

Council of Scientific & Industrial Research - Central Institute of Mining and Fuel Research (CSIR-CIMFR)-a principal scientist Dr C Sawmliana chuan May 30, Nilaini khan Central KṬP-in Falkland Venga Youth Recreation Centre (YRC) dinna tur an laih mek a enfiah a; CKṬP hruaitute leh Pachhunga University College-a geologist Dr Laldinpuia ten an ṭawiawm.

YRC hmun laih mek hi a lung a chan deuh tawh avangin excavator pangngaiin a lai thei tawh lo a, lung hâlna hman a ngai tawh dawna ngaih a ni. Chutih laiin, a bul velah chenna in eng emaw zat a awm avangin, lung hâlna hman chi a nih leh nih loh te, lung hâl theih dan tur leh nghawng a neih theih dan turte C Sawmliana hian a enfiah a ni.

Dr C Sawmliana hian YRC leilung ṭhenkhat a la khawm a, a thawhna CSIR-CIMFR, Dhanbad, Jharkhand-a enfiah turin a keng thla dawn a ni.