Engineer-te'n lei chimah mawh-phurhna an nei lo - PWD Minister

PWD minister Lal Thanzara chuan, Mizo­rama lei chim ṭhinah PWD engineer-te'n mawhphurhna an neih loh thu a sawi.

Lal Thanzara hian nimin khan Congress Bha­van-a inkhawmah thu a sawi a, "Hna thawk­tute inthlahdah vangin lei a chim lo. 'Eng vang­in nge engineer-te an hrem lo' tia sawi an awm ṭhin. Engineer-te'n mawhphurhna an neia kan hriat loh avangin kan hrem lo," a ti.

PWD Minister chuan, lei chimte chu phal chin bituk aia tam rit phur lirtheiin an zawh vang te, a kilhna rûkbo a nih vang te, dawh zawh a nih hmaa a kaihna bal palh vang leh thil dang vangtea chim ṭhin a nih thu a sawi.

Tuirini lei chim chhan chhui tura ruat Aizawl DC-in report a thehlut tawh tih sawiin PWD Minister chuan, "Lei chim ta hi ṭhiah darh nghal kan tum a, mahse, Guwahati lam aṭangin a ṭhiat tur quotation hmanga zawnga ṭhiahtir tura rawtna a awm avangin kan ṭhiat lo," a ti a; lei dawh thar tur tibuai lo tâwkin lei chim ta chu dah sân deuh tum a nih thu a sawi bawk.