Kristianna kan humhalh dawn - Tawnluia

MNF party chuan nimin khan an pisa, Mizo Hnam Rûnah an inkhâwm a, senior vice president Tawnluia'n thu sawiin, MNF party-in huapzo sorkar an din dawn thu leh Kristianna an humhalh dawn thu a sawi.

Tawnluia chuan, mipui sorkar an din dawn tih sawiin, "Huapzo leh langtlang sorkar a ni dawn. Kan sakhua Kristianna hi MNF chuan a humhim tlat dawn a ni. Kan party innghahna thupuia awm kan sakhuana humhim hi kan theihnghilh lo a, Kristianna humhim tur hian theihtawp kan chhuah ang. India sorkar nena kan inremna thuthlungah pawh dah tel a ni," a ti.

Sakhaw dangte tihbuai an tum lo tih sawiin Tawnluia chuan, "Keini chuan Hindutva te, yoga-te hi kan pawm ve lo a, a tawp thlengin kan do ang. Hindutva pawmtute chu tunah hian district council-ah an thawkho mek. Bawng talh khap tihte hi kan pawm ve lo a, Pathiannia sorkar hun pawimawh siam pawh kan remti ve lo," a ti a; India ram hmun ṭhenkhata Kristian-te nêkchêpna leh tihduhdahna angte chu Mizorama a thlen ve an phal dawn lo tih a sawi.