PWD Minister báng turin phût

PRISM party chuan thuchhuah siamin, PWD minister Lal Thanzara chu a hna leh mawhphurhna hre loah an puh a, minister aṭanga báng tura an phût thu an tarlang.

PRISM chuan, van­duaithlak takin Mizo­ramah lei a chim ngun thu tarlangin, "Lei chim chhanah dâwtaa mipui mawhpuhin, a kilhna rûk ṭhin niin thuneitute'n an sawi ṭhin. Tlawng lei chim leh Tuirini lei chim kha a hmunah uluk takin kan enfiah a, a kilhna bo pakhatmah a awm lo tih kan hre chiang. Lei chim a awma a kilhna a bo thu an sawi ṭhin avangin, Buichali lei hlui pawh ngaihsak tawh loh a nih avangin a kilhna an rûk nasat theih kan rin avangin kan enfiah ve a, a kilhna bo pakhatmah a awm lo," an ti.

PWD Minister-in lei chimah a thawktute mawh­phurhna a awm loh thu a sawi chungchangah PRISM chuan, "Minister ni tlak a nih lohzia mipui hmaah a puang nawnah kan ngai," an ti a; mahni mawhphurhna leh sorkara mawhphurhna inkhaidiat pawh hre lo minister nia sawiin, zahthlak an tih thu an sawi bawk.