Tuirini luia lungrem a chhia
June 3, Pathianni zan ruahsûr vanga tuilianin Tuirini luia lirthei kal kaina tura YMA-in lung an rem chu a chhia a, hei vang hian Tuirini luiah lirthei kal kai theih a ni lo a; he thu ziah lai thleng hian lungrem chhia chu siamṭhat theih a la ni lo.
Sesawng YMA hruaitute hnen aṭanga thu dawn danin, Tuirini luia lungrem chu a chhia tih hi nimin zingah hriat a ni a, mahse, tui a tam avangin siamṭhat hna thawh theih a ni lo. Ruah a sûr chhunzawm loh chuan vawiin lamah lungrem chu an siamtheih beisei a ni.
Lungrem a chhiat avang hian zin veivak ṭhenkhatte chuan lungrem hi kein an zawh káii a, Sesawng lam aṭanga lirthei kal leh Khawruhlian lam aṭanga lirthei kalte chu an inbânlek a ni.