Kristianna humhim turin Mizoram BJP President-in bân a ngam

BJP, Mizoram Pradesh chuan nimin khan Aizawla an pisaah inkhawm an buatsaih a, an president Prof. JV Hluna'n thu sawiin, Mizoram Assembly inthlanpui hmachhawn turin Mizoram BJP an inpeih tawh thu leh Kris­tianna humhim turin BJP president a nihna aṭanga a bàn ngam thu a sawi.

Prof. JV Hluna chuan, tun hnaiah Mizo Kris­tiante zingah Hindu sakhua leh BJP sawi zawm tum leh insawiṭhaih­na a tam nia sawiin, "Kan sakhua leh rinna tiderthâwng thei thil hi central-a kan hotuten an ti dawn lo a, an lo ti palh hlauh a nih pawhin keini Mizoram BJP, Kristiante hian kan dodal tlat dawn. A ṭul a nih chuan kei pawh ka nihna aṭangin ka báng ang," a ti.

BJP inkhawmah hian central lam aṭanga Mi­zoram Assembly inthlan vil tura an ruat thar Manas Deka lawmna hun an hmang nghal a; Manas Deka chungchangah JV Hluna chuan, Manas Das chu Mizoram mila che tur, Kristianna leh Mizo culture hrethiam niin a sawi.