MYC-SSC Coaching Centre hawng

Nimin khan Mizoram Youth Commission (MYC) chairman Joseph Lal­himpuia, MLA chuan Cultural Heritage Center, Lungleiah MYC-SSC Coaching Centre a hawng.

MYC Chairman chuan, 'Ṭhalaite khawvel zauh ang aw' tih auhla nen Mizoram ṭhalaite hmasawn nan theihtawp an chhuah zel dawn tih a sawi a; an hmalakna hlawhtlin theihna atan tlawmngai pawlte leh kohhrante ṭan­hopuiah a sáwm.

Lungleia MYC-SSC Coaching Centre-ah hian zirlai 80 chuang an inziak lut tawh a, MYC hian an course fee 75% a tum sak dawn a ni. Class-hi SSA Recreation Centre, Lunglei Venglaiah neih a ni a, nimin khan an ṭan a ni.