KHAWTHLIR

UPSC Prelims
UPSC Civil Services (Preliminary) Examination 2018 chu June 3, Pathianni khan India ram pumah neih a ni a, Aizawl Centre-ah pawh exam buatsaih a ni. UPSC Civil Services Prelims exam centre hi Aizawlah chuan Mizo High School leh Mizo Higher Secondary School a ni a, exam tura form thehlut leh admit card la chhuak mi 785 an awm a, chawhmaah mi 423 exam in, chawhnuah mi 415 an exam thung. Tun ṭum exam-ah hian School Education secretary Esther Lalruatkimi chu examination observer a ni.

Minister-in tlangzarh
Health minister Lal Thanzara chuan nimin khan CMO conference hall-ah Food Safety Compliance through Regular Inspections and Sampling (FoSCoRIS) a tlangzarh. FoSCoRIS hmang hian food safety officer-te'n hmun leh hmun aṭangin report an thehlut thei dawn a, a hrana file hmanga thehluh ngai loin, designated officer, commissioner leh FSSAI central server thlengin an report chu a thleng nghal thei dawn a ni.

Week khar
World No Tobacco Week, 2018 kharna hun nimin khan Mamit DC conference hall-ah buatsaih a ni a, DC Bhupesh Chaudhary-in a hman pui. World No Tobacco Week hi May 31, 2018 aṭang khan Mamit khawpui chhung hmun hrang hrangah hman ṭan a ni.