Minister Zira'n Horti Fair a hawng

Horticulture department chuan, nimin khan ni li awh tur Horti Fair 2018 chu Assembly Annexe building-ah an buatsaih ṭan a, minister R Lalzirliana'n a hawng.

Horti Fair hawn inkhawm hi Horticulture additional secretary Lalhrangliani'n a kaihruai a; minister R Lalzirliana chuan, lo leh huan thlai a tak ngeia tuichilh leh tawnhriat ngahte bulah a awm theih vang leh, hetiang hlawhtlinna pho chhuahna rûnpui Horti Fair 2018 buatsaih a ni chu lawmawm a tih thu a sawi a, "Thlaite hi thinlung taka hmangaih chung­a enkawl a nih chuan an hrisel a, an duah bik ṭhin," a ti.

Inkhawmah hian Horticulture division tina Best Farmer 2018 leh Best Entrepreneur 2018 dawngtute hnenah Home Minister-in lawmman a hlan a ni.

Horti Fair-ah hian dawr 187 siam a ni a, thei leh thlai ṭiak, kut hnathawktute hmanrua, pangpar, thei leh thei aṭanga thil siam chhuah hrang hrangte lei tur a awm.

Fair pual hian Horticulture conference hall-ah seminar buatsaih a ni a, mithiamte'n thei chin dan, enkawl dan leh a sawngbawl dante an sawi a ni.